Procesi gjyqësor për rastin “Shkallët Spanjolle” shtyhet për më 18 shkurt për shkak të mungesës së të akuzuarit të parë, ish ministrit për Transport dhe Lidhje, Mile Janakieski, i cili është pozitiv me Covid-19.
Gjykatësja Fanka Jançulleva Mihaillovska në fillim të seancës së sotme ka njoftuar se mbrojtja e Janakieskit më 7 shkurt ka dorëzuar kërkesë për shtyrjen e seancës sepse Janakieski është pozitiv me Covid-19, dhe ka dorëzuar vendimin për vet-izolim nga shkurti.
Për rastin “Shkallët Spanjolle”, përskaj Janakieskit, të akuzuar janë edhe Dimitar Dimovski, Biljana Dejanovska-Dimitrovska, Violeta Samarxhiska, Aneta Jordanova, Dejan Mitevski, Emilija Radojkova, Snezhana Kërstevska, Risto Papazov, Lidija Smiljanovska dhe Marjan Jovanov.
Ata akuzohen se me shitjen e paligjshme të parcelave para ndërtesës së EVN-së në sheshin e Shkupit, kanë dëmtuar shtetin për 2.6 milion euro.
