Koalicioni Aleanca për Shqiptarët dhe Alternativa, sot në Ditën Ndërkombëtare të Ambientit para Ministrisë së Ekologjisë kanë protestuar duke hedhur mbeturina, të cilat më pas u pastruan nga vetë aktivistët, njofton Nistori.
“Thuajse në çdo komunë, veçanërisht atje ku jetojnë kryesisht shqiptarë janë formuar deponi ilegale. Shpesh herë këto deponi ndodhen në afërsi të lagjeve të banuara, të rrugëve më të frekuentuara, por edhe afër shkollave dhe çerdheve. Qytetarët dhe veçanërisht fëmijët, për çdo ditë ballafaqohen jo vetëm me errën e keqe, por edhe me rrezikun nga sëmundjet ngjitëse dhe kafshët endacak që grumbullohen rreth deponive.
Ndërkohë, Qeveria aktuale, Ministria e Ambientit dhe funksionarët e tjerë, në vend që të gjejnë zgjidhje permanente për problemet me deponitë e mëdha ilegale dhe mini deponitë në çdo lagje, ata pa fije turpi organizojnë promovime dhe festa në këtë ditë që simbolizon jetë dhe shëndet”, kumtojnë nga koalicioni. /Nistori/
