Aziri: Talat Xhaferi është kryeparlamentar vetëm i deputetëve të BDI-së

    Ndonëse  Aleanca për Shqiptarët (ASh) në vazhdimësi ka shpreh dilemat dhe vërejtjet e saja rreth udhëheqjes së Kuvendit nga ana e kryetarit Talat Xhaferi, akoma nuk ka një përgjigje konkrete nëse do të mbështesin apo jo nismën e VMRO-DPMNE-së për interpelancë ndaj kreut të Kuvendit. Deputeti i kësaj partie Elmi Aziri në “Rruga drejt”,  tha se grupi parlamentar i ASh-së do të diskutojë rreth kësaj çështje dhe më pas do të marr një vendim konkret, përcjell Nistori.

    “ASH-ja në vazhdimësi ka qenë në një far forme, në një presion ose tendencë që të jetë e bojkotuar, të shmanget nga opinioni publik nga ana e kryetarit të parlamentit. Opinioni është njoftuar edhe e ka parë në mënyrë vizuale debatet dhe përplasjet e vazhdueshme të koordinatores së grupit tonë parlamentar zonjës Ilire Dauti me kryetarin e parlamentit, Talat Xhaferi, për shkak të një tendence për të vendosur gisht edhe mbi të drejtën e fjalës, për tu mohuar e drejta e fjalës edhe ndaj deputetëve të Aleancës për Shqiptarët, zhvendosja e deputetëve të ASh-së gjithnjë kah fundi, siç e kemi rastin me institucionin pyetjet e deputetëve…Është një udhëheqje autokrate e Talat Xhaferit dhe mund me plotë gojë të themi që në këtë mandat Talat Xhaferi është kryetar i deputetëve të BDI-së dhe në asnjë mënyrë nuk është kryetar i të gjithë deputetëve që janë në parlamentin e Maqedonisë së Veriut, për shkak të segregimeve partiake të cilat i banë kryetari i parlamentit Talat Xhaferi… Ne jemi parti opozitare dhe mbi bazën e këtij pozicioni tonë, ne do të diskutojmë në grupin tonë parlamentar dhe do të marrim një vendim të caktuar”, deklaroi Elmi Aziri, deputet i ASh-së.

    Ndryushe, shkelja në kontinuitet e Rregullores për punën e Kuvendit dhe skandalet e fundit që ndodhën në shtëpinë ligjvënëse, ku për protagonist kishin vetë kreun e këtij institucioni Talat Xhaferi, ka shtyrë grupin parlamentar të VMRO-DPMNE-së që të kërkoj dorëheqjen e tij dhe së fundmi edhe të ngrejë interpelancë ndaj tij. /Nistori/

    Lajmi Paraprak

    Benzema synon ta thyejë rekordin e Ronaldos në Ligën e Kampionëve

    Lajme tjera

    Bashkohu

    Informohu në kohë