Pas vendimit të Alternativës për t’iu bashkuar shumicës parlamentare, tashmë është rënë dakord, ndonëse jozyrtarisht, por nga burime të brendshme të Alternativës për Nistori, thonë që kjo parti do të drejtojë Ministrinë e Shëndetësisë dhe me gjasë posti ministror nga Venko Filipçe do t’i takojë dentistit Bekim Sali, i cili ishte kandidat i Alternativës për kryetar të Komunës së Çairit.
Sot në ora 13:00, në Klubin e deputetëve, solemnisht u nënshkrua programi për veprim të përbashkët, nga kryeministri Zoran Zaev dhe lideri i Alternativës, Afrim Gashi, ku bënë të ditur të gjitha detajet. /Nistori/
