Në dy video, që sipas kohës që tregohet në YouTube, janë publikuar pasditen e sotme, dëgjohet zëri i ish kryeministrit Nikolla Gruevski dhe biznesmenit Jordan Orce Kamçev. Me gjasë nuk bëhet fjalë për përgjim telefonik, por për bisedë të incizuar.
Ndryshe me Marrëveshjen e Përzhinës në vitin 2015-të, u formua Prokuroria Speciale, e cila mori për detyrë t’i hetojë rastet të cilat dolën nga përgjimet e paligjshme nga viti 2008-të deri në vitin 2015-të, të cilat biseda i publikonte asokohe Zaev. Pas formimit të PSP-së, këto materiale u ndaluan që të publikoheshin.
