Investimet në infrastrukturën rrugore kanë pësuar më së shumti në riprogramimin e arkës së shtetit. Buxheti i menaxhuar nga Ministria e Transportit dhe Lidhjeve këtë vit është reduktuar për 60 milionë euro. Investimet në infrastrukturën rrugore janë reduktuar për 37 milionë euro, ndërsa investimet në ujësjellës dhe kanalizime në komuna janë ulur me 40 mijë euro. Rritje prej 2,6 milionë euro parashikohet për infrastrukturën hekurudhore. Në ministritë e tjera, mesatarisht, me rishikimin e ri, buxhetet janë ulur nga 1 milion deri në 4 milion euro.
BUXHETI 2022 RIBALANCI
Infrastruktura rrugore 96 milionë euro 59 milionë euro
Ujësjellës-kanalizime 178 mijë euro 138 milion euro
Infrastruktura hekurudhore 11.7 milionë euro 14.3 milionë euro
Këtë vit nuk do të jepen subvencione për instalimin e aparateve me gaz në vetura për shkak të buxhetit të reduktuar të Ministrisë së Ekonomisë. Në rishikimin e buxhetit, rritja më e madhe prej 60 milionë euro është në buxhetin e Ministrisë së Punës dhe Politikës Sociale dhe në buxhetin që do të jetë në dispozicion të Qeverisë për 80 milionë euro. Rritja është për shkak të rritjes së pagave në arsim, masat sociale dhe masave të tjera që do të paguhen direkt nga buxheti i qeverisë.
BUXHET RISHIKIMI
Ministria e punës 822 mil. 882 mil. euro
Qeveria 158 mil. 238 mil. euro
Ministria e arsimit 470 mil. 478 mil. euro
Si çdo vit, në këtë buxhet është përfshirë edhe ndërtimi i qendrës së re klinike në Shkup dhe ndërtimi i spitalit në Kërçovë, si projekte për të cilat parashikohen para, por që assesi të realizohen me kalimin e viteve. /Alsat/
