Sot në stacionin policor në Bit Pazar është raportuar se tre persona kanë tentuar të hapin derën hyrëse dhe portën e objektit të Komunës së Çairit, ku ruhet materiali zgjedhor, por pasi janë vërejtur nga punonjësi i policisë, i cili po ruante materialin zgjedhor, personat janë larguar nga vendi, njofton MPB.
“Nuk është shkaktuar asnjë dëmtim në portë dhe as në materialin zgjedhor. Po ndërmerren masa për zbardhjen e rastit”, thonë nga MPB.
Nga ky institucion gjithashtu më herët theksuan se i kanë marrë të gjitha masat e nevojshme për mbarëvajtjen e zgjedhjeve presidenciale dhe kuvandare./Nistori/
