Ministrja e Arsimit dhe Shkencës, Mila Carovska sot është deklaruar se ndryshime në arsim patjetër të ketë, ku mes tjerash tha se referendumi është një e drejtë demokratike dhe se për atë ka një procedurë, përcjell Nistori.
Carovska theksoi se Ministria është e hapur për të gjithë të interesuarit që kanë propozime konstruktive, ku shumica prej tyre janë pranuar dhe përkthyer sipas zgjidhjes ligjore.
“Sepse nëse mbetemi në vend edhe dy, pesë ose shtatë vite, ne humbasim potencialin e mundshëm, nëse fillojmë tani mund të krijojmë një qasje prej pesë, shtatë dhe pesëmbëdhjetë vitesh, kur realisht mund të presim nxënësit të cilët tani hyjnë në arsim fillor, të cilët pastaj duhet të dalin si qytetarë më produktivë të cilët do të trajnohen për një jetë bashkëkohore”, tha Carovska duke iu përgjigjur pyetjeve gjatë një vizite në shkollën e mesme profesionale të Shkupit “Vlado Tasevski”. /Nistori/
