Nëse në anën tjetër ju keni paraqitje të pikëpamjeve mohuese, atëherë në fakt ju nuk negocioni, por ju imponohen pikëpamjet, tha kryetari i Kumanovës Maksim Dimitrievski në emisionin “Trilling” në Tv 24 për kontestin ndërmjet Maqedonisë së Veriut dhe Bullgaria, përcjell Nistori.
Ai tha se zgjidhja mund të gjendet me dialog, por pala bullgare duhet të pranojë se maqedonasit janë realitet.
“Ne nuk mund të jemi gjë tjetër veçse maqedonas, se paraardhësit tanë kanë qenë maqedonas dhe të tillë do të jenë brezat tanë të ardhshëm të bijve. Gjuha maqedonase është realitet dhe sa i përket pakicës maqedonase në Bullgari, qytetarët e Republikës së Bullgarisë le të thonë se ku janë, kush janë, çfarë janë në të vërtetë”, tha Dimitrievski.
Kryeministri bullgar Kiril Petkov vizitoi Maqedoninë më 18 janar dhe ajo vizitë ende po komentohet nga të dy vendet.