Gjykata Themelore Penale Shkup sot ka njoftuar se Fakulteti Teknik në Manastir nuk pranon të kryejë ekspertizë të posaçme për aksidentin e autobusit në fshatin Llaskarcë.
“Nga Fakulteti Teknik në Manastir, ku me urdhër të gjykatës ishte dërguar lënda lidhur me aksidentin e autobusit në fshatin Llaskarcë, më 17 dhjetor të vitit 2021 është marrë njoftim se Fakulteti nuk pranon ta kryejë ekspertizën e domosdoshme për mbyllje të procedurës dëshmuese të lëndës dhe dhënien e aktgjykimit të shkallës së parë”, thuhet në njoftimin e Gjykatës Themelore Penale Shkup.