Fushata zgjedhore për Zgjedhjet lokale 2021 të caktuara për më 17 tetor do të fillojë nesër (27 shtator) dhe do të zgjasë 20 ditë para ditës së zgjedhjeve. Pjesëmarrësit në zgjedhje, partitë politike dhe kandidatët e pavarur kanë njoftuar tashmë fillimin e fushatës, si dhe aktivitetet që do të pasojnë.
Shumica e kandidatëve për kryetarë dhe këshilltarë kanë pasur tashmë takime joformale me qytetarët dhe prezantimin e programeve të tyre në rrjetet sociale. Fushata përfundon më 15 tetor në mesnatë.
Rrethi i dytë i zgjedhjeve do të mbahet më 31 tetor dhe fushata për raundin e dytë do të zgjasë deri në mesnatën e 29 tetorit.
KSHZ-ja paraprakisht konfirmoi 303 lista për kryetarë komune dhe 567 për këshilltarë. Renditja e kandidatëve në fletëvotim u përcaktua me short në një seancë të KSHZ-së, dhe për shkak të situatës aktuale me Kovid-19, përfaqësuesit e partive politike, koalicionet dhe grupet e votuesve nuk ishin të pranishëm.
Partitë marrin pjesë në mënyrë të pavarur ose në koalicione në varësi të komunave dhe marrëveshjeve të arritura reciproke. Nga partitë e mëdha, në Listën e vetme të kandidatëve, Bashkimi Demokratik për Integrim është nr. 3, Aleanca për Shqiptarët nr.5, VMRO-DPMNE dhe Koalicioni “Rindërtim i Maqedonisë” nr.7, Lidhja socialdemokratike e Maqedonisë nr. 9, Alternativa nr. 10, Partia Demokratike Shqiptare nr.11, BESA nr 16…. Lista përfshin gjithashtu parti më të vogla, koalicione dhe një numër të madh të kandidatëve të pavarur.
Në zgjedhjet lokale të caktuara për më 17 tetor të viti 2021 do të mund të votojnë 1,824,864 qytetarë. Lista e votuesve u mbyll në seancën e Komisionit Shtetëror Zgjedhor (KSHZ) të premten sipas orarit. Jo më vonë se 1 tetor, pra 15 ditë para ditës së zgjedhjeve, KSHZ -ja duhet të nënshkruajë Listën zgjedhore të përfunduar dhe pjesë nga ajo. Nga numri i përgjithshëm i votuesve, 1,740,147 janë regjistruar në fragmentet e Listës së Zgjedhësve.
KSHZ-ja e konfirmoi edhe imazhin e fletëvotimit për zgjedhjet lokale.
Në Zgjedhjet lokale 2021, për herë të parë, terminalet për leximin e shenjave të gishtërinjve të votuesve do të përdoren për të përcaktuar identitetin e tyre dhe për të shmangur parregullsitë e mundshme të votimit.
Si për Zgjedhjet parlamentare 2020, edhe këtë vit zgjedhjet do të mbahen me zbatimin e masave për mbrojtjen kundër Kovid-19 dhe do të krijohen komisione të veçanta zgjedhore për ata që do të shprehin interes për të votuar, dhe ditën e zgjedhjeve do të jenë të izoluar ose pozitive me Covid-19.
