Policia e Kosovës ka përdorur gaz lotsjellës dhe shok-bomba për t’i shpërndarë qytetarët e komunitetit serbë të cilët janë grumbulluar para objektit komunal në Zveçan.
Gjithashtu para pak minutash kishte edhe një përleshje ndërmjet Policisë së Kosovës dhe qytetarëve serbë.
Po ashtu janë dëgjuar edhe të shtëna me armë në këtë komunë.
Po ashtu, Policia e Kosovës ka konfirmuar angazhimet policore në mbarëvajtje të sigurisë në veri të vendit, dike bërë të ditur se po asistojnë kryetarët e komunave në veri, si në Zveçan, Leposaviq e Zubin Potok për të ushtruar të drejtën e tyre në punë, në objektet zyrtare të komunave përkatëse.
Pak më herët, pati të shtëna me armë dhe gaz lotsjellësit, ku u dogj edhe një veturë e Policisë së Kosovës në Zveçan. Qytetarët serbë po kundërshtonin hyrjen në objektin e komunës së Kosovës të kryetarit të zgjedhur më 23 prill. /Telegrafi/