Në rajonin e qytetit të Shkupit të shtunën dhe të dielën, 14 dhe 15 gusht, në orët e hershme të mëngjesit do të bëhet dezinsektim me aeroplan kundër mushkonjave, informojnë autoritetet e qytetit.
Dezinsektimi tokësor kundër mushkonjave, do të realizohet nga e hëna, 16 gusht, deri të premten, 20 gusht, prej orës 22 deri në orën 3, të ditës së nesërme.
Siç informojnë nga Qyteti i Shkupit, nëse kushtet e motit nuk lejojnë të spërkatet, dezinsektimi me aeroplanë do të bëhet ditën e parë të ardhshme, kur do të jenë të përshtatshme kushtet e motit, në terminin e njëjtë.
Njoftohen bletarët që me kohë t’i ndërmarrin masat e nevojshme për mbrojtje të bletëve.
