Bashkëkryesuesi i komisionit maqedono-bullgar për çështje historike, Dragi Gjorgjiev, tha se edhe pse hapja e klubeve bullgare në Maqedoninë e Veriut dhe anasjelltas ka për qëllim të përkeqësimit të marrëdhënieve mes dy shteteve, kjo temë nuk ndikon në punën e komisionit.
Ai shtoi se e vetmja gjë që aktualisht zvarrit punën e tyre, është situata e paqartë politike në Bullgari. Ekspertët ende nuk janë marrë vesh për figurën e Goce Delçev.
Është evidente që hapja e atyre klubeve, sidomos atyre bullgare në Maqedoni, kanë qëllim tjetër, gjegjësisht t’i përkeqësojnë marrëdhëniet mes maqedonasve dhe bullgarëve, dhe këtu dukshëm bëhet fjalë për një politikë të qëllimshme, e cila ndoshta kryhet në disa qendra tjera, jashtë Bullgarisë dhe Maqedonisë së Veriut.
Kontesti politik në Bullgari ndikon në punën e komisionit dhe unë mendoj se anëtarët e Komisionit nga ana e Bullgarisë në një far mënyrë e ngadalësojnë punën e komisionit. Është evidente se situata e paqartë politike në Bullgari ndikon tek ata që disa punë të shkojnë më ngadalë”, tha Dragi Gjorgjiev për Radio Evropa e Lirë.
