Rregullat aktuale për hyrje në Greqi, të vendosura një muaj më parë, janë zgjatur edhe për dy javë të tjera dhe një test negativ PCR ose Rapid mbetet i detyrueshëm për të gjithë udhëtarët, qofshin të vaksinuar apo jo, një masë që vlen edhe për qytetarët e Maqedonisë së Veriut, lajmëroi korrespondentja e AIM nga Athina, përcjell Nistori.
Rezultati negativ i PCR testit vlen 72 orë, ndërsa testi rapid 24 orë para arritjes. Bashkërisht me rezultatin kërkohet mbushja e formularit pa dallim nëse jeni vaksinuar, keni qenë të infektuar ose jeni të pavaksinuar.
Nuk ka ndryshime ash për udhëtarët e pavaksinuar nga 16 vende në mesin e të cilave ndodhet edhe Maqedonia e Veriut, që përveç testit negativ para udhëtimit, duhet të kenë test negativ edhe në kufi. Vendimi i ri pritet të merret pas dy javëve dhe ende nuk dihet nëse masat do të vazhdojnë me të njëjtat rregulla ose do të ndryshojnë.