Integrimi i Maqedonisë së Veriut, Borrell: Po mbështesim me përkushtim Ballkanin Perëndimor

    Shefi i diplomacisë evropiane, Joseph Borrell ka folur për integrimin e Ballkanit Perëndimor, duke iu referuar Shqipërisë dhe Maqedonisë së Veriut.

    Në një intervistë për median malazeze Vijesti,  Borrell theksoi se edhe pse Samiti i BE-së nuk solli rezultate për integrimin e Shqipërisë dhe Maqedonisë së Veriut, BE-ja ka qenë, është dhe do të vazhdojë të jetë e përkushtuar për përmirësimin e procesit të anëtarësimit të Ballkanit Perëndimor në familjen e madhe të BE-së.

    Shefi i diplomacisë evropiane u shpreh se BE-ja do të vazhdojë mbështetjen e saj të fortë politike, teknike dhe financiare për të gjashtë vendet e Ballkanit Perëndimor për t’i ndihmuar të avancojnë reformat kyçe politike, institucionale, sociale dhe ekonomike që janë të nevojshme për përparimin në rrugën drejt BE-së.

    “Progresi në prioritetet e reformave duhet të çojë në integrimin më të ngushtë të Ballkanit Perëndimor me Bashkimin Evropian, punën për integrimin e përshpejtuar dhe “futjen graduale” në politikat individuale, programet dhe tregun e BE-së”, shprehet Borrel për Vijestin. /tch/

    Lajmi Paraprak

    Imazhet e para me ngjyrë të marra nga teleskopi hapësinor “James Webb”

    Lajmi i rradhës

    Grubi: Propozimi europian hap negociatat dhe nuk cënon gjuhën dhe identitetin maqedonas

    Lajme tjera

    Bashkohu

    Informohu në kohë