LSDM-ja hedh poshtë zërat se emri i kryeprokurorit Lubomir Joveski është lakuar brenda organeve të partisë për t’u propozuar si gjykatës Kushtetues. Nga ky subjekt thonë se kandidaturat janë të pavarura dhe se në momentin kur ka emra potencial do të thirret mbledhja e Komisionit për Zgjedhje dhe Emërime.
Ndërkohë VMRO-DPMNE-ja akuzon socialdemokratët se po e shpërblejnë Joveskin me pozitë në gjykatën më të lartë në vend si rezultat i mbrojtjes dhe fshehjes së krimit të tyre. Joveski ditë më parë i është përgjigjur mediave se derisa emri i tij propozohet për gjykatës ai do ta pranojë një gjë të tillë. Mandati i tij si i pari i Prokurorisë Publike përfundon në muajin nëntor.
