Aleanca për Shqiptarët mbrëmë në Shkup mbajti Kuvendin Qendror ku u prezantua raporti i zgjedhjeve lokale i përpiluar nga komisioni i formuar paraprakisht, si dhe raportet e degëve. Në mbledhje u miratua edhe vendimi për organizimin e Kongresit të dytë të Aleancës për Shqiptarët që do të mbahet më 27 Mars, 2022, përcjell Nistori.
Për këtë qëllim u formua edhe një komision që do të përbëhet nga deputetët aktual, kryetarët e komunave, kryetarët e Forumit Rinot të Aleancës për Shqiptarët (FRASH) dhe Asamblesë së Gruas si dhe nga tre anëtarë nga këto dy organe partiake.
Gjatë fjalimit para delegatëve, si dhe në deklaratën e dhënë për media, kryetari Ziadin Sela, falënderoi strukturat dhe aktivistët për angazhimin e deritanishëm, si dhe bëri thirrje për angazhim të mëtejmë në forcimin dhe zgjerimin e partisë edhe me kuadro të reja që janë të gatshëm dhe të përkushtuar për të sjellë ndryshim në skenën politike shqiptare në Maqedoninë e Veriut. /Nistori/
“Zgjedhje vitin e ardhshëm”
Për më shumë se dy javë, qeveria thotë se ndryshimet kushtetuese do të shqyrtohen në qeveri në dy…
