Komisioni i Sëmundjeve Infektive me kërkesë të Shtabit Kryesorë për Menaxhim me Kriza rekomandon lehtësimin e masave restriktive si pasojë e Covid-19. Komisioni rekomandon që ora policore të nis nga ora 24:00 deri në ora 05:00, gastronomia të punojë deri në ora 23:30, ndërkaq kërkohet të hiqet ndalesa për punë për qendrat e fitnesit.
KSI gjithashtu rekomandon lejimin e organizimit të ngjarjeve në ambient të hapur, në përputhje me protokollet e vitit 2020, me mundësi për të shfrytëzuar vetëm 30 për qind të kapacitetit. Gjithashtu rekomandohet që kopshtet për fëmijë të zmadhojnë kapacitetet për + pesë fëmijë, respektivisht 15 deri 20 fëmijë në grup, ndërsa punonjësit shëndetësorë do të mund të shfrytëzojnë pushimin e vjetër dhe të ri vjetorë. /Alsat/
