Kryeministri i Kosovës, Albin Kurti ka nisur ditë më parë vizitën zyrtare në Britani të Madhe.
Kurti ka mbajtur sot një ligjëratë në Oksford Union, ndërsa ka thënë se ndihet i nderuar që ka pasur mundësi të flasë atje për Kosovën.
“I nderuar që pata mundësinë të flisja në Oksford Union për Republikën tonë të re, origjinën, rrugëtimin dhe fatin e saj. Sot, Kosova është një histori suksesi, një fitore e demokracisë dhe një perspektivë premtuese për socialdemokracinë”, ka shkruar Kurti në rrjetin social Twitter.
Kurti nesër një ligjëratë të hapur do ta mbajë edhe në Universitetin e Cambridge.
Kurti gjatë qëndrimit në Britani të Madhe do të zhvillojë takime të nivelit të lartë.
It was an honor to have the opportunity to speak at the @OxfordUnion about our young Republic, its origins, journey and destiny. Today, Kosova is a success story, a victory for democracy and a promising prospect for social-democracy. pic.twitter.com/tiUImxPYlH
— Albin Kurti (@albinkurti) June 6, 2022