Lëvizja Demokratike mbështet kërkesën e pensionistëve për rritje lineare prej 5000 denarëve si dhe pension minimal prej 20.000 denarëve. Nga ky subjekt politik thonë se ky vendim është i domosfoshëm pasi shporta e konsumit për një familje ka arritur në 50.000 denarë, njofton Nistori.
“Nga 333.000 pensionistë, 94.000 (pra 1/3 e të gjithë pensionistëve) marrin pension në grupin e parë, ku përfshihen pensionistët deri në 13.000 denarë. Qeveritarët rrogat e tyre i rritën për 78% duke arritur vlerën mbi 2000 euro, ndërsa pensionistët kanë pensione që nuk ju mjaftojnë as për ilaçet e tyre. Qeveria po e nënçmon dhe po e bën barë të familjes një shtresë siç janë pensionistët që tërë jetën e tyre kanë punuar ndershëm!”, thonë nga Lëvizja Demokratike. /Nistori/
