Ambasadorja amerikane në RMV, Kate Marie Byrnes, sërish ka folur për korrupsionin dhe punën e gjyqësorit në vend.
Në një intervistë për “TV Telma”, ajo tha se kur flet për luftën kundër korrupsionit, nuk duhet t’i lihet aspak hapësirë që ai të zhvillohet, përcjell Nistori.
“Çdo pjesë e strukturës është përgjegjëse për të luftuar korrupsionin dhe për të siguruar që institucionet këtu të jenë elastike në mënyrë që ata të mund të shtypin korrupsionin kur ta shohin atë ose të mos lënë hapësirë për përmbushjen e tij”, thotë Byrnes.
E pyetur se qytetarët po humbasin besimin në institucionet dhe nëse rasti me prokuroren Vilma Ruskovska do të zgjidhet në interes të drejtësisë dhe se nuk do të ketë presion nga autoritetet politike, Byrnes sektori i drejtësisë duhet të jetë i pavarur.
“Nuk do të paragjykoja. Mendoj se është e rëndësishme të përsëris se është thelbësore që sektori i drejtësisë të jetë plotësisht i pavarur nga çdo ndikim politik apo ndikim tjetër i jashtëm”, tha ambasadorja amerikane.
Ndryshe, së shpejti Byrnesit do t’i përfundojë mandati si ambasadore e SHBA-ve në Shkup, ndërsa në vend të saj do të vijë, Angela Angeler./Nistori/
