Gjysma e dytë e vitit shkollor filloi sot, pasi pushimet dimërore nuk u zgjatën për shkak të gripit. Ministrja e Arsimit dhe Shkencës, Vesna Janevska, shprehu kënaqësi që situata epidemiologjike nuk e pengoi procesin arsimor, përcjell Nistori.
Janevska theksoi se është e lumtur që numri i të sëmurëve nuk është i madh dhe që mësimi vazhdon në kohë.
Siç tha Janevska në intervistën e sotme për MRT1, të gjitha hulumtimet e mundshme, si në botë ashtu edhe në vendin tonë, tregojnë se sa më shumë fëmijë janë në shkollë, aq më të larta janë rezultatet e tyre, domethënë ata fitojnë më shumë njohuri, aftësi dhe kompetenca.
Sipas saj, nxënësit në RMV deri në moshën 15 vjeç kalojnë deri në 900 orë më pak në shkollë krahasuar me bashkëmoshatarët e tyre nga Bashkimi Europian, standarde që, siç thotë ajo, duam t’i arrijmë dhe në klubin e të cilave duam të anëtarësohemi.
Ministrja shtoi se nevojitet rregull edhe në arsimin e të rriturve, duke theksuar se më shumë kohë në shkollë do të thotë drejtpërdrejt aftësi dhe njohuri më të mira.
“Nxënësit tanë kalojnë më pak orë në mësim gjithsesi. Të gjitha hulumtimet tregojnë se sa më shumë fëmijë janë në shkollë, aq më të larta janë rezultatet e tyre dhe njohuritë që fitojnë”, tha Janevska.
Nxënësit u kthyen në mësim pas pushimit të rregullt trejavor.
Ministrja e Arsimit dhe Shkencës, Vesna Janevska, përmes një postimi në rrjetet sociale, u uroi suksese dhe mbarësi nxënësve, por edhe mësuesve, në gjysmën e dytë të vitit shkollor. /Nistori/
