Koordinatori i grupit parlamentar të LSDM-së, Jovan Mitrevski derisa komentoi iniciativën e VMRO-DPMNE-së për ndryshim të ligjit të Qeverisë, i cili parashikon shlyerjen e qeverisë teknike, tha se më në fund partia e Mickoskit ka kuptuar se shteti ka kapacitet për të organizuar zgjedhje të lira dhe demokratike dhe se nuk ka nevojë më për qeveri teknike. Megjithatë ishte i prerë se zgjedhje të parakohshme nuk do të ketë.
“Është mirë që VMRO-DPMNE-ja tanimë e ka kuptuar se shteti mund të realizoj zgjedhje të lira, të drejta dhe kredibile dhe se nuk ka nevojë për Qeveri Teknike”, tha Jovan Mitrevski, koordinator i LSDM-së.
