Që nga fillimi i votimit, Ministria e Brendshme ka regjistruar dy raste parregullsie. Zëdhënësi i MPB-së, Toni Angelovski thotë se votimi është i qetë, pa cenim të rendit dhe qetësisë publike.
“Në Kërçovë kemi fletëvotim të fotografuar, ndërsa në rastin e dytë edhe në Kërçovë kemi fletëvotim të grisur”, thotë Angelovski.
Ndërsa në vendvotimet tjera, procesi i votimit është duke rrjedhur pa probleme.
Të gjithë vendvotimet janë hapur në kohë.
Ndërkohë është raportuar se disa qytetarë nuk arrijnë ta gjejnë veten në listën zgjedhore, megjithatë siç kanë njoftuar anëtarët e komisioneve zgjedhore, të njëjtit janë dërguar në vendvotime të tjera./Nistori/
