Mungesa e kontrolleve të shpeshta të automjeteve çon në aksidente fatale

    Fotografia: Ilustruese

    Mungesa e kontrolleve të rregullta të automjeteve, mungesa e kuadrit adekuat në pikat e kontrollit, por edhe mungesa e vozitësve profesionistë, janë ndër shkaqet kryesore të aksidenteve të automjeteve transportuese, sidomos autobusëve. Sipas profesorit Sulejman Rahimi, në të shumtën e rasteve, fajtor për aksidentet është faktori njeri.

    “Në parametrat e sigurimit të komunikacionit, me rëndësi është faktori njeri,. Pra Ai është që jep përgjegjësi për gjitha ndodhitë që pasojnë. Pastaj mirëmbajtja e auto parkut, gjendja teknike e tyre dhe faktori i kohë, kushtet e rrugës. Kjo që ndodhi, thash më parë, përgjegjës është faktori njeri. Pra resurset njerëzore që disponojnë me ndërmarrjen, automjetet transportuese, autobusët, sepse në ndërmarrje, sipas normativave ekziston program për mirëmbajtje”, tha Sulejman Rahimi, ekspert i komunikacionit.

    Sipas Rahimit, organet kompetente siç janë inspektorati komunal dhe shtetëror, duhet të shtojnë sa më shumë kontrollet e tyre.

    “Organet kompetente komunale, inspektorati komunal dhe republikan sa bëjnë kontroll të këtyre ndërmarrjeve për posedimin e dokumenteve gjendjen teknike të mjeteve por edhe gjendjen psikofizike të operatorëve që punojnë aty”, u shpreh Sulejman Rahimi, ekspert i komunikacionit.

    Sipas ekspertëve është tejet e rëndësishme të shtohen kontrollet e inspektoratit kompetent. Rahimi gjithashtu thotë se janë të domosdoshme ndryshime në Ligjin e Transportit Publik, sidomos sa i përket vjetërsisë së automjeteve transportuese. /Alsat M/

    Lajmi Paraprak

    Kryeministri taliban i Afganistanit mban fjalimin e parë drejtuar kombit

    Lajmi i rradhës

    28 Nëntori mes dashurisë reale për kombin dhe kamuflimit!

    Lajme tjera

    Bashkohu

    Informohu në kohë