Një i burgosur ka keqpërdorur të dhënat e dikujt tjetër nëpërmjet Facebook për të marrë një kredi, përcjell Nistori.
Një person nga Ohri i cili po vuante një dënim në burgun e Shtipit, ka mashtruar një bashkëqytetar nëpërmjet Facebook, duke keqpërdorur të dhënat personale për të marrë një kredi të shpejtë. Ai këtë e ka bërë në periudhën shkurt-prill të këtij viti, nëpërmjet një profili të rremë në rrjetin social.
“Ai ka kontaktuar me G.P. nga Ohri dhe e ka mashtruar atë, e ka bindur atë të sigurojë të dhëna personale dhe dokumente të vlefshme nga një person i tretë, të cilat më vonë i ka keqpërdorur për të marrë një kredi nga një kompani financiare që merret me lëshimin e kredive të shpejta”, thonë nga SPB-Ohër.
Policia ka ngritur padi penale kundër të dyshuarit për dy vepra: mashtrim dhe keqpërdorim të të dhënave personale. /Nistori/