Kompania “Fashion grup” dhe Kisha ortodokse maqedonase (KOM-AO) mund të fillojë ndërtimin e kullës së parë nga tre te “Holiday Inn” në zemër të Shkupit. Kërkesa për leje ndërtimi është bërë e plotfuqishme, gjegjësisht lejen e ndërtimit e ka nënshkruar nga kryetari i Komunës Qendër Sasha Bogdanoviq dhe tani investitorët nuk kanë asnjë pengesë për të filluar ndërtimin.
Kryetari i komunës Sasha Bogdanoviq për SDK konfirmon se nuk ka pengesa për të filluar ndërtimi te “Holiday Inn”.
“Nuk ka asnjë ankesë në lidhje me kërkesën për ndërtimin për çka janë paguar taksat komunale. Pasi dështoi mundësia e pezullimit të Planit të detajuar urbanistik për atë pjesë, nuk ka pengesa për ndërtim dhe kërkesa për ndërtim u bë e plotfuqishme”, tha Kryetari i komunës Bogdanoviq.
Në parcelën e parë, në zonën afër Holiday Inn, nga gjithsej tre do të ndërtohen tre ndërtesa 20-katëshe. Së pari, do të ndërtohet ndërtesa 20-katëshe, e cila ndodhet në tokën e KOM-AO që në të vërtetë e pengon hapjen e sheshit deri në kalatë. Kështu, shërbimet komunale në vlerë prej 2.4 milionë euro për këtë ndërtesë janë paguar në arkën e Qytetit të Shkupit dhe Komunës Qendër. Më pas do të ndërtohej një ndërtesë banimi 22-katëshe, me gjelbërim në tarraca dhe së fundmi një qendër biznesi 16-katëshe. Taksat komunale për këto dy objekte do të paguhen më pas, kurse për secilën ndërtesë Qyteti dhe Komuna do të arkëtojnë afërsisht sa shuma e taksave komunale për ndërtesën e parë.
Plani për ndërtesat në këtë pjesë të qendrës së qytetit u miratua në vitin 2012 gjatë kohës së VMRO-DPMNE-së. Qeveria e LSDM-së nuk bëri asgjë për të parandaluar ndërtimin në zemër të kryeqytetit sipas një plani në kundërshtim me planin e përgjithshëm urbanistik, edhe pse para se të vinin në pushtet ata i kritikonin ashpër planet e qeverisë së VMRO-DPMNE-së, duke thënë se po betonizonin Shkupin dhe premtonin ndryshim të politikave urbanistike.
Jo vetëm që nuk e ndryshoi politikën urbanistike të VMRO-DPMNE-së, por gjatë kësaj qeverie u bë kompletimi i parcelës me shitje të tokës shtetërore. Në vitin 2018, kur ishte në fuqi moratoriumi për ndërtim në Qendër, nga Ministria e transportit dhe lidhjeve kur Goran Sugareski nga LSDM ishte ministër, investitorët e blenë tokën shtetërore në këtë zonë me sipërfaqe prej 9.048 metra katrorë me një çmim prej 312 euro për metër katror. Kjo i dha investitorit mundësinë për të zotëruar pjesën më të madhe të hapësirës, në vend që të jetë tokë shtetërore me të cilën Komuna mund të bëjë çfarë të dojë dhe të sigurojë përmbajtje me interes publik, të tilla si kopshte, parqe, shkolla dhe të ngjashme.
