Nga viti i ri shkollor nuk do të ketë ditarë të shtypur në arsimin fillor dhe të mesëm, njoftoi Byroja për Zhvillimin e Arsimit. Në vend se në ditar, informacionet për nxënësit do të regjistrohen vetëm në mënyrë elektronike.
Ndryshimet janë me kërkesë të mësuesve, të cilët duan të lirohen nga detyrimi për mbajtjen e regjistrimeve të dyfishta në procesin arsimor.
Rregullat e reja zbatohen për arsimin fillor dhe të mesëm. Sipas Byrosë, ky nuk është asnjë problem për mësuesit që tashmë dinë të plotësojnë ditar elektronik dhe se ka qenë pjesë e sistemit arsimor prej vitesh.
Regjistrimet elektronike do të udhëhiqen nga rreth 25.000 mësues dhe profesorë, dhe ashtu si në ditarët e shtypur, në ato elektronikë, përveç notave, do të futen informacione për mungesat dhe aktivitetet e nxënësve.
Procesi i digjitalizimit të arsimit është një nga prioritetet e Qeverisë, i cili synon modernizimin dhe integrimin e sistemit arsimor kombëtar në hapësirën arsimore evropiane.
Nga Ministria e Arsimit dhe Shkencës deklarojnë se janë gati të fillojnë vitin e ri shkollor në kushte të pandemisë.
Nga atje përsërisin se skenari më i mirë është mësimi me prezencë fizike me të gjithë nxënësit, sipas orareve për fillimin e mësimit. Nëse ka një ndryshim drastik në pasqyrën epidemiologjike, atëherë duhet të ndryshojmë skenarin me mësimdhënie hibride – një javë në shkollë, një online, ndrësa skenari i tretë më pak i dëshiruar është që një pjesë e madhe e mësimit të zhvillohet online.
