Në këtë kohë krize kur çmimi i energjisë arrin shumë rekorde, termocentralet shtetërore thonë se në Republikën e Maqedonisë së Veriut (RMV) përdoret energjia elektrike e prodhuar nga kapacitetet vendore. Energjia elektrike nuk importohet dhe nevojat e familjeve dhe konsumatorëve të vegjël plotësohen sipas planit fillestar. Punojnë dy blloqet të TEC Manastirit, por jo edhe blloku i tretë i cili është ende në defekt. Nëse është e nevojshme, përfshihet TEC Osllomej ndërsa me gjysmë kapacitet prodhohet energji elektrike edhe nga TEC Negotinë.
“SHA EMV bëhet stabilizues, përkatësisht garantues për të pasur furnizim të sigurt dhe të qëndrueshëm me energji elektrike dhe me rritjen e prodhimit dhe blerjet e vogla që u bënë, të garantojmë që çmimi të jetë i qëndrueshëm për konsumatorët”, deklaroi Vasko Kovaçevski Drejtor i EMV-së.