Kryetari i Parlamentit, Talat Xhaferi, duke vlerësuar punën në vitin 2022, tha se bllokada aktive e VMRO-DPMNE-së ka sjellë një mënyrë të re të punës së Parlamentit, dhe se rezultati i kësaj do të vlerësohet nga qytetarët. Për punën e tij, ai thotë se është bazuar në Rregullore dhe ligje. Në vitin 2022, Parlamenti në 88 ditë ka mbajtur 39 seanca të reja, kurse me anulimet nga viti i kaluar – 50. Më së shumti ligje të mbetura ka Komisioni parlamentar për arsim.
“Ka qenë sfidë që pas vendimit të VMRO-DPMNE-së për të bllokuar në mënyrë aktive punën e Kuvendit. Sigurisht që krijoi një situatë të re në mënyrën e funksionimit të Kuvendit. Të pamësuar me atë situatë, duhej të përshtateshim me atë gjendje. Nga konteksti i vendimit, sigurisht që është një e drejtë politike demokratike e një subjekti demokratik të marrë pjesë në jetën politike, të ketë një vendim politik se si të veprojë në Parlament. Nga ai aspekt nuk mund ta vlerësoni si diçka të papranueshme apo të ndaluar”, tha Xhaferi.
Sipas rezultatit të një vendimi të tillë, nënvizon ai, qytetarët do të marrin një vendim të duhur ashtu siç e kanë përjetuar, kur të kenë mundësi të krahasojnë të gjitha ato pika që janë kaluar dhe çfarë ka mbetur pa u miratuar nga mosveprimi i komisioneve dhe qytetarët do të mund të vlerësojnë se sa vendime të tilla ishin në favor të qytetarëve dhe sa ishin në dëm të qytetarëve. “E kam theksuar se kjo në asnjë rast nuk është përgjigje e duhur”, tha Xhaferi.
Lidhur me akuzat e VMRO-DPMNE-së për punën e tij se vendime të caktuara nuk janë marrë në bazë të Rregullores dhe të shumicës në pushtet, ai thotë se ato bazohen në atë që është Rregullorja dhe kompetencat që dalin prej saj. “Përndryshe, duhej ta mbyllja Parlamentin dhe të shkoja në shtëpi, domethënë të mos funksiononte. Kjo është arsyeja pse Rregullorja ofron mundësi për të kapërcyer situata të caktuara”, tha ai.
Në vitin 2022 Kuvendi në 88 ditë ka mbajtur 39 seanca të reja dhe me vazhdimet nga viti i kaluar 50. Në konferencën për media, Xhaferi ka dorëzuar edhe listën e seancave të papërfunduara dëgjimore të komisionit për ligjet dhe pikat e tjera që kanë ngecur në këto organe parlamentare dhe për shkak të të cilave ato nuk mund të kalohen në seancë plenare. Avancon Komisioni parlamentar për arsimin dhe shkencën me dhjetë pika të papërfunduara, pasuar nga komisionet për shëndetësi me nëntë, për sistemin politik dhe marrëdhëniet ndërmjet komuniteteve, për politikën e jashtme, për mbikëqyrjen e masave për monitorimin e komunikimeve me nga tetë pika dhe për financim dhe buxhet me shtatë ligje.
Ndryshe, seanca e parë e re e Parlamentit është caktuar për më 10 janar.
