Katër fëmijë dhe tre vëllezër e motra të kameramanit të Anadolu Agency, Muhammed Alaloul u vranë në një sulm ajror izraelit në Gaza.
Gruaja, nëna, babai dhe fëmija i dytë i Alaloul, kameramanit të Anadolyt, u plagosën gjatë sulmit të forcave të Izraelit.
Shtëpia e Alaloul u shkatërrua plotësisht pas një sulmi ajror izraelit në kampin e refugjatëve al-Maghazi në Gazan qendrore. Gruaja e Alaloul është në gjendje të rëndë dhe është shtruar në terapi intensive.
Alaloul, me të arritur në vendin e rrënojave të shtëpisë së tij, tha se ishte në punë në Khan Yunis dhe se pasi mësoi për sulmin në kampin Al-Maghazi, ai kishte një parandjenjë se shtëpia i ishte sulmuar nga izraelitët.
“Një ditë më parë isha me familjen time, me fëmijët e mi. Më thanë ta lija punën dhe të kaloja më shumë kohë me ta. Madje më thanë t’i merrja në punë që të jemi bashkë”, tha Alaloul.
Ai tha se fëmijët iu vranë derisa ishin duke fjetur. Ky ishte një kamp refugjatësh, fëmijët u vranë ndërsa flinin, fëmijët e mi. Izraeli po bombardon gjithçka, gjithçka në rregull”, tha kameramani Alaloul.
