Një muaj paraburgim ndaj dy të dyshuarve për sulm terrorist ndaj Policisë
Lajmin për Telegrafin e ka konfirmuar zëdhënësja e Gjykatës Themelore në Prishtinë, Mirlinda Gashi.
“Po iu është caktuar masa prej një muaji paraburgim”, ka thënë Gashi.
Të dielën e 24 shtatorit reshteri i Policisë së Kosovës, Afrim Bunjaku mbeti i vrarë, kurse polici Alban Rashiti u plagos, si pasojë e një sulmi terrorist që u bë ndaj tyre nga një grup i armatosur në pjesën veriore të vendit.
