Ministria e Haxhit dhe Umres së Arabisë Saudite lëshoi një deklaratë me shkrim mbi masat që do të merren për shkak të epidemisë dhe kush do të pranohet gjatë pelegrinazhit, përcjell Nistori.
Në deklaratë, e cila përfshinte informacionin se 60 mijë njerëz nga vendi do të pranohen për pelegrinazh dhe se askush nga jashtë nuk do të pranohet, u tha që ata që nuk kanë sëmundje kronike, ndërmjet moshës 18 dhe 65 vjeç dhe të cilët janë vaksinuar, do të pranohen për pelegrinazh.
Në deklaratën e saj më 9 maj, ministria njoftoi se pelegrinazhi i këtij viti do të mbahet brenda kornizave të kushteve të veçanta të shëndetit dhe sigurisë, për shkak të epidemisë Covid-19.
Për shkak të Covid-19, Arabia Saudite vitin e kaluar pranoi vetëm një numër të kufizuar të kandidatëve për haxh brenda vendit. /Nistori/
