Marine Le Pen i është drejtuar turmave në Paris, për të vënë në shënjestër sistemin gjyqësor që e dënoi.
Ajo përsëriti pretendimet e saj të mëparshme: “Ky nuk është një vendim i drejtësisë – ky është një vendim politik”, shkruan skynews.
Bëhet e ditur se Le Pen i kushtoi një pjesë të konsiderueshme të fjalimit të saj dënimit të sistemit gjyqësor.
“Një falënderim i madh për guximin, bujarinë, këmbënguljen… ju jeni të mrekullueshëm”, tha Le Pen.
“Nuk di të dorëzohem.Ne jemi të përkushtuar ndaj luftës”, vazhdoi ajo.
Krahas kësaj, ajo pretendoi se “vetë ekzistenca e Francës është në rrezik”.
Ndryshe, Le Pen i është ndaluar të kandidojë për poste publike për pesë vjet.
Ajo u shpall fajtore për një rast përvetësimi të fondeve të BE-së. Gjithashtu, u dënua me katër vjet burg, dy vjet me kusht.
