Shtatë persona kanë humbur jetën dhe më shumë se 700 të tjerë janë lënduar nga tërmeti vdekjeprurës prej 7.2 ballësh që goditi Tajvanin mëngjesin e 3 prillit. Epiqendra e tërmetit ishte në qarkun lindor të Hualienit.
Tërmeti, i cili shkaktoi ndërprerje të energjisë elektrike në kryeqytetin Taipei, ndodhi në orën 7 e 58 minuta sipas orës lokale, në një thellësi prej 15.5 kilometrash larg bregdetit jugor të Tajvanit, njoftoi shërbimi sizmologjik shtetëror.
Banorët thanë se kanë ndier së paku 25 goditje pasuese të tërmetit në Taipei.
Agjencia shtetërore e lajmeve tha se ishte tërmeti më i forti që nga viti 1999, kur Tajvani u godit nga një tërmet prej 7.6 ballësh që vrau rreth 24.000 njerëz dhe shkatërroi ose dëmtoi rreth 50.000 shtëpi.
