Presidenti Stevo Pendarovski në fjalimin e tij të fundvitit në Kuvendin e Maqedonisë së Veriut kërkoi vendim gjyqësor për aksidentin e autobusit në Bullgari ku vdiqën 45 persona gjatë kthimit nga Stambolli.
“Një sërë tragjedish të tmerrshme dhe trauma personale për të zgjuar përgjegjësinë, sepse nuk ka asgjë më të dhimbshme se humbja e një jete të njeriut kur ka lëshime sistematike dhe rregulla të thyera.
Në mesin e qytetarëve ekziston një ndjenjë se kultura e mosndëshkimit po rritet. Aksidenti i madh i autobusit është vetëm i fundit në një sërë rastesh të tilla. Nëse raste të tilla nuk përfundojnë brenda një afati të arsyeshëm, mosbesimi i qytetarëve do të rritet.
Migrimi nuk shkaktohet vetëm nga arsyeja ekzistenciale, por edhe nga cilësia e jetës, gjegjësisht shkojnë atje ku ka drejtësi”, tha Pendarovski.
Ai iu referua edhe marrëdhënieve me Bullgarinë dhe bllokadës nga fqinji për integrimin europian të vendit.
“Një tezë është se ne po bëjmë debullgarizim sistematik, që është një akuzë e rëndë. Theksi i marrëdhënieve aktuale është të zhvendoset nga e kaluara në të tashmen. Korridori 8 nuk është bërë kurrë konkurrues me Korridorin 10”, tha Pendarovski.
“Destabilizimi nuk është i mundur, por regresioni demokratik dhe sundimi autoritar është i mundur,” paralajmëroi Pendarovski për mundësinë që bllokada mund të shkaktojë.
Pendarovski shtoi se përkrahja e qytetarëve për integrimet europiane për vetëm dy vjet është ulur për mbi 20 për qind.
“Pres që qeveria e re të adresojë sa më shpejt problemet reale të pandemisë dhe energjinë”, tha ai, përcjell Nistori.
Ai gjithashtu e përshëndeti vendimin për dorëheqjen e kryeministrit Zoran Zaev si akt demokratik.
“Është një akt i padiskutueshëm që duhet përshëndetur. Duam apo s’duam, politika është pjesë e jetës sonë, por asnjëherë nuk duhet të bëhet gjithçka në jetën tonë.” – tha Pendarovski.
Kreu i shtetit bëri thirrje për departamentizimin e shërbimeve të sigurisë dhe ushtrisë.
“Ata duhet të vendosin për njërën ose tjetrën,” tha ai. /Nistori/
