Kompania Pokemon më në fund ka bërë një deklaratë zyrtare në lidhje me video-lojën “Palworld”.
Palworld është një video-lojë e re, e cila aktualisht po përjeton një sukses të madh që nga shpallja e saj, me më shumë se tetë milionë kopje të shitura vetëm gjashtë ditë pas prezantimit të saj.
Fansat e kanë quajtur me shaka video-lojën “Pokemon me armë”, dhe tashmë zyrtarisht është shprehur vetë kompania, e cila ka konfirmuar se është duke hetuar këtë fenomen të madh dhe se do të marrë masat e duhura.
“Ne kemi marrë një numër të madh pyetjesh në lidhje me video-lojën e një kompanie tjetër të lëshuar në janar të vitit 2024”, tha kompania duke iu referuar një teme të nxehtë që po zhvillohet në internet në lidhje me frymëzimin që Palworld tërheq për modelet e saj.
“Ne nuk kemi dhënë asnjë leje për të përdorur pronën intelektuale ose asetet e Pokemon në atë lojë,” shtoi Kompania Pokemon.
Nuk është e qartë se sa do të zgjasë ky hetim dhe çfarë masash planifikon të marrë kompania Pokemon kundër Pocket Pair, zhvilluesit të Palworld.
Ndërkohë, Palworld vazhdon të bëjë rekorde të mëdha në fusha të ndryshme. Numri i lojtarëve të njëkohshëm në Steam tashmë ka tejkaluar dy milionë dhe video-loja është në kulmin e popullaritetit në shërbimet Xbox One, Xbox Series X|S dhe Game Pass.
🔥Available Now🔥#Palworldhttps://t.co/iovQXSkI3D
— Palworld (@Palworld_EN) January 19, 2024
🧭Open world survival crafting game for up to 32 players
🔫Adventure with over 100 types of pals
💪Capture, train, battle or put your Pals to work
We have spent 3 years making our dream game and we hope everyone enjoys! pic.twitter.com/dbhHeFzVqL
