Prodhimtaria industriale është në negativë prej rreth pesë për qind.
Se situata në industri nuk është rikuperuar nga pandemia, tregojnë të dhënat e Entit shtetëror të statistikave, sipas të cilave, në dhjetor të vitit të kaluar krahasuar me të njëjtën periudhë të vitit 2020, problemin më të madh e ka pasur industria përpunuese me minus prej 9,1 %.
“Rënia në sektorin e përpunimit është kryesisht për shkak të zvogëlimit të prodhimit në këto reparte- në prodhimin e pijeve, tekstil, veshje, farmaci dhe preparate bazë, metale dhe prodhimit të automjeteve, rimorkiove dhe gjysmërimorkiove”, thonw nga Enti shtetëror i Statistikave.
Por autoritetet pohojnë se situata në ekonominë e vendit po normalizohet. Shumica e biznesmenëve, nga ana tjetër, besojnë se ekonomia është shumë larg vitit 2019 para pandemisë.
Rezultatet e këqija u konfirmuan nga Enti Shtetëror për Statistikë prej ku sot paralajmëruan ulje të numrit të punëtorëve prej mbi 3%. Rënie me mbi 6% kanë pasur minierat kurse mbi 3% industria përpunuese. Në sektorin e furnizimit me energji elektrike rënia është mbi 1%./ Alsat/