Agjencia që menaxhon pronën e konfiskuar nuk ka certifikata pronësie për parcelat dhe magazina ku ruan pronën e tundur të konfiskuar, ku bëjnë pjesë veturat, kamionët, motoçikletat etj. Kjo tregohet nga raporti i revizorit të pavarur “Revizia Çuleva” i bërë për periudhën deri në vitin 2018
Agjencia që menaxhon pronën e konfiskuar nuk ka certifikata pronësie për parcelat dhe magazina ku ruan pronën e tundur të konfiskuar, ku bëjnë pjesë veturat, kamionët, motoçikletat etj. Kjo tregohet nga raporti i revizorit të pavarur “Revizia Çuleva” i bërë për periudhën deri në vitin 2018. Sipas këtij raporti, agjencia që duhet të konfiskon pronën, posedon pronë pa të drejtën e përdorimit të saj.
Qeveria i dha asaj një magazinë në Tetovë në vitin 2012, por jo edhe certifikatë pronësie për të. Situata është e ngjashme me parcelat në Milladinovci dhe depot në Gjevgjeli dhe Idrizovë, të cilat janë përdorur që nga viti 2009 me vendim të Qeverisë. “Vlera e këtyre objekteve nuk është vlerësuar dhe për këtë arsye, edhe pse janë përdorur prej vitesh, ato nuk përfshihen në regjistrat kontabël të Agjencisë. Në të njëjtën kohë, nuk ka certifikata pronësie për objektet e përmendura në të cilat shkruhet e drejta e përdorimit e transferuar në Agjenci”, thuhet në raportin e revizorit të pavarur.
Nga Agjencia nuk janë përgjigjur nëse kjo situatë, e cila është më shumë se 10 vjeçare, është tejkaluar dhe pse problemet pronësore dhe ligjore nuk janë zgjidhur për një kohë të gjatë. Darko Avramovski nga Koalicioni për Gjykim të Drejtë thotë se një situatë e tillë e Agjencisë është për shkak të mungesës së stafit njerëzor dhe material, mungesës së parave dhe pajisjeve të mjaftueshme për të qenë në gjendje të zbatojë masën e konfiskimit të pronës. “Kjo është gjithashtu për shkak të njohurive dhe vetëdijes individuale në lidhje me këtë masë. Këtu luan rol edhe korniza ligjore, sepse ligji që rregullon menaxhimin e pronës së konfiskuar dhe që rregullon punën e Agjencisë duhet të përmirësohet në thelb sepse është i vjetëruar dhe madje edhe në periudhën kur u miratua nuk kishte dispozita të përshtatshme dhe lejoi lëshime të tilla”, tha ai.
Avramovski shton se çështja brenda kornizës ligjore është gjithashtu problematike – çfarë ndodh me pronën e konfiskuar të shitur. Problemi është se ato para hyjnë në buxhet, por nuk dihet saktësisht se sa para kthehen në buxhet, as nuk ka udhëzime dhe regjistrime se për çfarë përdoren ato para kur kthehen në shtet. Sipas tij, në përmirësimin e ligjit, është e rëndësishme të futet një klauzolë për ripërdorimin social të pronës.
Në Shqipëri, për shembull, ka udhëzime të sakta në ligj për të cilat mund të përdoret prona e konfiskuar dhe gjithmonë ka nevojë për integrim social, domethënë që prona të përdoret për shkolla, spitale, strehimore dhe të ngjashme. Në Itali, shtëpitë luksoze të konfiskuara nga mafia përdoren ligjërisht si qendra pritëse për viktimat e trafikimit të qenieve njerëzore.
“Në mungesë të dispozitave të tilla, ne as nuk mund të kemi evidencë adekuate se si është përdorur. Nga ana tjetër, vetë pozicioni i agjencisë për menaxhimin e pronës së konfiskuar është i tillë që kjo agjenci nuk mban asnjë përgjegjësi për menaxhimin e dobët të pronës së konfiskuar përkohësisht ose përgjithmonë. Nëse prona e tillë dëmtohet dhe më vonë duhet t’i kthehet personit nga i cili është marrë përkohësisht, ky dëm kompensohet nga shteti dhe jo agjencia,” tha ai. Me një vendosje të tillë të gjërave, Agjencisë i jepet hapësirë për manovrim dhe hapësirë për shfaqjen e lëshimeve dhe mangësive në procedura. Kjo agjenci ka një buxhet prej 395 mijë eurosh këtë vit, nga të cilat 300 mijë janë të destinuara për paga dhe shtesa./Kohamk/
