Kryetari i grupit parlamentar të Partisë Socialiste në Shqipëri, Taulant Balla u shpreh sot se propozimi për emrin e presidentit ose presidentes së re të vendit do të bëhet para datës 24 maj.
Në një komunikim me gazetarët pas mbledhjes së grupit parlamentar të PS-së, Balla tha se sipas Kushtetutës, procesi për zgjedhjen e presidentit të ri nisin jo më vonë sesa 60 ditë nga data e përfundimit të mandatit të presidentit aktual.
“Neni 88 i kushtetutës ka përcaktuar kohën kur fillon procesi i përzgjedhjes së presidentit. Jo më vonë sesa 60 ditë nga data e përfundimit. Jo më vonë se 24 maji. Kemi ende kohë deri sa të fillojmë procedurën. Procedura merr 5 raunde votimi”, tha Balla.
Kujtojmë se mandati 5-vjecarë i Presidentit Ilir Meta përfundon në fund të korrikut të këtij viti.
