Pse Shqipëria kërkon 700 milionë euro borxh dhe për çka do t’i përdorë?!

    Qeveria shqiptare për të pestën herë do ti drejtohet tregjeve ndërkombëtare në marrjen e një Eurobondi të ri. Delina Ibrahimaj ministre e Financave dhe Ekonomisë dha detajet e vendimit të qeverisë për t’ju drejtuar institucioneve financiare ndërkombëtare.

    “Vlera e financuar ka ardhur në rritje dhe interesi i bondit në rritje, ndaj kemi krijuar qëndrueshmëri. Do të jemi gati të dalim në treg që në fillim të muajit nëntor. Jemi duke ndjekur procedurat dhe të jemi gati për të emetuar eurobondin, kur normat e interesit në treg janë të ulëta. “

    Ministria Ibrahimaj tregoi se ku qeveria do ta përdorë këtë shumë që do të përftohet nga Eurobondi.

    “ Huamarrja do të merret për të financuar një pjesë të mbështetjes buxhetore, për arsim, shtangësinë, për gjithë projektet. Ajo do të përdoret edhe vitin tjetër për të garantuar mbështetje buxhetore.”

    Për herë të parë Shqipëria në vitin 2010 nisi marrjen e Eurobondit  me vlerë 300 milion euro. Pesë vite më vonë shuma e marrë nga tregjet ndërkombëtare shkoi në 450 milion euro.  Eurobondi  i  tretë pësoi rritje krahasuar me dy Eurobondet e mëparshme duke shkuar në 500 milion euro. Ndërkohë Eurobondi i një viti më parë shkoi po me rritje në 650 milion euro për tu përsëritur në një vlerë të shtuar në 700 milionë këtë vit.

    EUROBONDET NDËR VITE

    2010- 300 Milion Euro

    2015- 450 Milion Euro

    2018-500 Milion Euro

    2020- 650 Milion Euro

    2021-500-700 Milion Euro. /TCH/

    Lajmi Paraprak

    NATO: Aksioni në veri, operacion për zbatimin e ligjit në territorin e Kosovës

    Lajmi i rradhës

    Policia e Kosovës publikon fotografi të mjeteve që u sulmuan nga armët e zjarrit të huliganëve serbë

    Lajme tjera

    Bashkohu

    Informohu në kohë