Ekipet e reagimit të shpejtë të Drejtorisë për mbrojtje dhe shpëtim të Maqedonisë së Veriut kanë shpëtuar nga rrënojat si pasojë e tërmetit në Ajdaman të Turqisë një grua të moshës 38 vjeçare, përcjell Nistori.
Momenti i nxjerrjes së gruar nga rrënojat, nga ekipet e kërkim shpëtimit të Drejtorisë është publikuar në Facebook.
Tërmeti që goditi rajonin pranë kufirit mes Turqisë dhe Sirisë, tashmë ka marrë jetën e më shumë se 23 mijë personave. Ky rajon është shtëpi e 13.5 milionë njerëzve.
Ekipet e kërkim-shpëtimit bënë përpjekjet e fundit gjatë natës të së enjtes për të gjetur të mbijetuar nën rrënojat e ndërtesave të shembura. Tërmeti ishte me magnitudë 7.8 shkallësh. /Nistori/