VMRO e ka kuptuar se ku qëndron pesha e votës dhe deputetëve shqiptarë, por fokusi i VLEN-it është të marrë numër më të madh të deputetëve. Kështu ka shkruar mbrëmë vonë Arben Taravari pas deklaratës së djeshme të kryetarit të VMRO-DPMNE-së ku propozoi qeveri të përbashkët VMRO-VLEN, përcjell Nistori.
“Propozimi i ardhur nga Mickoski tregon se edhe VMRO e ka kuptuar ku qëndron pesha e votës dhe deputetëve shqiptarë. Megjithatë, fokusi ynë si koalicion dhe si parti, është puna për zgjedhjet e 8 majit, për numrin më të madh të mandateve. Pas zgjedhjeve, do të udhëhiqemi nga interesi kombëtar i shqiptarëve, nga nevoja urgjente për pastrim të qeverisë nga korrupsioni, dhe nga orientimi ynë i panegociueshëm pro-perëndimor”, shkruan Taravari.
Taravari shton se koalicioni VLEN është më i bashkuar se kurrë dhe se vota jonë është shumica e votës shqiptare. Mandatet e VLEN, sipas Taravarit shkojnë për deputetë shqiptarë. /Nistori/