Komunikata e plotët e Alternativës për Nistorin:
BDI-ja po përjeton këto ditë çarjen më të madhe që nga formimi i saj, pasi nënkryetari i deritanishëm i partisë Izet Mexhiti bashkë me figura të tjera paralajmëroi formimin e partisë së re dhe shkëputjen përfundimtare nga BDI-ja, thonë nga Alternativa për Nistorin.
Kjo çarje në BDI hap dilemat edhe për brishtësinë e shumicës aktuale parlamentare. Mexhiti vet është deputet, ndërsa nuk dihet se edhe sa deputetë të tjerë nga grupi parlamentar i BDI-së e përkrahin atë.
Edhe Sekretari i Përgjithshëm i Alternativës, Zeqirija Ibrahimi, ka ngritur dilema nëse qeveria aktuale ka mbështetjen në Kuvend. Në një status të tij në Facebook, Ibrahimi aludon se pushteti mund të mos e ketë mbështetjen e 61 deputetëve.
“61 – 1??? Një pyetje e thjeshtë: sa është sot numri i deputetëve të shumicës parlamentare? E kam për një mik që besonte se do të rritet shumica për t’i bërë ndryshimet kushtetuese”, ka shkruar Ibrahimi.
Pritet që përçarja e BDI-së dhe dalja e Grupit të Zjarrit si parti e pavarur, bashkë me përçarjet brenda ASh-së, të krijojnë probleme serioze për numrat e qeverisë aktuale. /Nistori/