Qeveria mori vendim për sigurimin shtesë të energjisë elektrike dhe termike nga prodhimtaria vendore, përkatësisht këtë sasinë shtesë do ta prodhojë TE-TO Shkupi. Kompania do të punojë 7 ditë në javë prej orës 5 në mëngjes deri në orën 1 pas mesnate. Ministri i ekonomisë Kreshnik Bekteshi thotë se energjinë e prodhuar elektrike do ta blejë ESM, ndërsa në mënyrë shtese do të sigurohet edhe energji termike të cilën qytetarëve do t’ua distribuojë BEG. Marrëveshja me TE-TO do të lidhet nesër kur do të dihet edhe sa do të kushtojë e njëjta.
“Me marrjen e energjisë elektrike në mënyrë shtese do të sigurohet prodhimtari e energjisë termike për distributorin e rregulluar për energji termike që do të mundësojë furnizim të vazhdueshëm dhe cilësor të energjisë termike për konsumatorët e Qytetit të Shkupit. Njëkohësisht në kohë krize për furnizimin me energji elektrike do të mundësohet kursim i resurseve natyrore që SHA ESM i shfrytëzon për prodhimtari të energjisë elektrike”, deklaroi ministri i Ekonomisë, Kreshnik Bekteshi.