“Qytetarët i pret një dimër i vështirë, për shkak të qeverisë së papërgjegjshme”

    Kryetari i VMRO-DPMNE-së në protestën e 18.06.2022 / Fotografia: Nistori, Emir Hamzi

    Lideri i partisë opozitare maqedonase VMRO-DPMNE Hristijan Mickoski, vazhdon të kritikojë se Qeveria nuk ka siguruar në kohë thëngjill dhe gaz dhe për këtë arsye konsideron se qytetarët në Maqedoninë e Veriut i pret dimër i vështirë me mundësi për restriksione.

    “Dimër i vështirë me energjensë të shtrenjtë dhe goditje e re në xhepin e qytetarëve”, ky është parashikimi i liderit të opozitares VMRO-DPMNE për periudhën që vjen, për shkak të papërgjegjësisë së Qeverisë që në kohë të prokurojë energjensët.

    “Pas një muaji fillon viti shkollor, ndërsa pas dy muajve e gjysmë fillon sezoni i ngrohjes. Nuk kanë siguruar thëngjill, nuk kanë siguruar gaz, renditen kontratat në katër sy për gërmime në REK Manastiri, por jo për gërmim të vërtetë , por për grumbullim në xhepat e personave privatë dhe arkat partiake”, deklaroi Mickoski.

    Se ky dimër do të jetë i vështirë dhe me krizë të theksuar energjetike, e tha edhe ministri i ekonomisë, Kreshnik Bekteshi.

    Ai u shpreh se konflikti i fundit Rusi-Ukrainë ka bërë të pashmangshëm ndikimin e krizës globale edhe në Maqedoninë e Veriut, por se qeveria do të mundohet që të ofroj ndonjë opsion për tejkalim sa më të lehtë të krizës.

    Lajmi Paraprak

    “Krim dhe ndëshkim” i Dostojevskit, disa gjëra që nuk i dinit

    Lajmi i rradhës

    Kovaçevski: EMV do t’i përmbushë nevojat gjatë sezonit të ngrohjes

    Lajme tjera

    Bashkohu

    Informohu në kohë