Rama, Zaev dhe Vuçiq me deklaratë të përbashkët: Nuk ka alternativë tjetër pos BE-së

    Kryeministrat e Maqedonisë së Veriut dhe Shqipërisë, Zoran Zaev dhe Edi Rama, së bashku me presidentin e Serbisë, Aleksandar Vuçiq, sot kanë realizuar takim në të cilin kanë diskutuar për iniciativën “Mini-Schengeni”.

    Pas takimit, Rama, Zaev dhe Vuçi, kanë dalë me deklaratë trepalëshe për “Ballkan Perëndimor Evropian”. Në deklaratën e përbashkët, ata thonë se vendet e tyre janë pjesë e Evropës dhe se nuk ka alternativë tjetër për vendet e Ballkanit Perëndimorë.

    “Vendet tona janë pjesë e Evropës dhe gjithmonë do të jenë. Vendeve të Ballkanit Perëndimor u nevojitet BE-ja, aq sa edhe ato i nevojiten BE-së. Mossuksesi i vazhdueshëm i BE-së për të plotësuar premtimet dhe pamundësia e saj për të lëvizur para me hapjen e konferencës së parë ndërqeveritare me Shqipërinë dhe Maqedoninë e Veriut, është në kundërshtim me vullnetin evropian të vendeve tona dhe kundër interesave të vetë BE-së”, thuhet në deklaratën e përbashkët.

    Ndonëse në konferencë nuk morën pjesë liderët e Kosovës, Bosnjës dhe Malit të Zi, në deklaratën e përbashkët i bëhet thirrje vendeve të rajonit t’i bashkohen iniciativave të tilla dhe të zbatojnë marrëveshje të cilat kanë për qëllim forcimin ekonomik të Ballkanit Perëndimorë.

    “I ftojmë dhe i inkurajojmë kolegët tanë në rajon të nënshkruajnë dhe të zbatojnë marrëveshje të ngjashme, në mënyrë që vizioni i hapësirës së përbashkët politike dhe ekonomike në Ballkanin Perëndimor do të bëhet pjesë e rëndësishme e përditshmërisë së qytetarëve tanë përmes tregut të vetëm. Në këtë frymë shpresojmë që do ta përforcojmë procesin e bashkëpunimit mes ne, në tërë rajonin dhe do të vazhdojmë të japim gjithçka nga vetja që kjo të ndodh”, thonë Zaev, Rama dhe Vuçiq.

    Tre liderët takimin e ardhshëm do ta zhvillojnë më 29 korrik në Shkup ku edhe pritet të nënshkruhen marrëveshjet e dala nga Samiti i Berlinit e që kanë të bëjnë me bashkëpunimin dhe ndihmë në rast të fatkeqësive natyrore, si dhe për lehtësimin e tregtisë, importin dhe eksportin mes vendeve tona./Nistori/

    Lajmi Paraprak

    MPB: Gjoba të majme për vozitësit që tejkalojnë shpejtësinë

    Lajmi i rradhës

    Anglia e mposht Gjermaninë, kalon në çerekfinale të EURO 2020

    Lajme tjera

    Bashkohu

    Informohu në kohë