Lidhur me lajmin se i arrestuari në Fushë Kosovë që dyshohet se është hoxhë dhe se ka dhunuar seksualisht një femër kur ka vajtur për shërim te ai, e ka mohuar një gjë të tillë Bashkësia Islame e Kosovës. Nga BIK thonë se i arrestuari nuk është hoxhë, as imam në ndonjë xhami, pra i njëjti nuk ka të bëjë asgjë me misionin e imamit dhe nuk është pjesë e BIK-ut, përcjell Nistori.
“Përkitazi me lajmin se sot, në Komunën e Fushë Kosovës është arrestuar një hoxhë, Këshilli i BI-së në Fushë Kosovë njofton opinionin e gjerë si dhe besimtarët myslimanë, se i arrestuari në fjalë nuk është pjesë e Këshilli të BI-së, madje i arrestuari nuk është fare imam-hoxhë, e as teolog islam. Pra i njëjti nuk ka të bëjë asgjë me misionin e imamit dhe nuk është pjesë e BIK-ut.”, njoftojnë nga BIK.
Siç mësohet, personi fillimisht e ka lënë nënën e viktimës të pres, ndërsa viktimën e ka futur në një dhomë tjetër, ku më pas e ka dhunuar. Pas denoncimit të rastit, personi në fjalë është arrestuar nga policia e Kosovës. /Nistori/
