Konsumi global i antidepresantëve (AD) është rritur në mënyrë dramatike në dy dekadat e fundit, dhe konsumatorët më të mëdhenj janë evropianët.
Përdorimi i këtyre barnave është rritur pothuajse dy herë e gjysmë nga viti 2000 në 2020 në 18 vende evropiane, sipas të dhënave nga Organizata për Bashkëpunim dhe Zhvillim Ekonomik (OECD).
Të dhënat e OECD tregojnë gjithashtu një rritje të ankthit dhe depresionit gjatë pandemisë.
Republika Çeke shënoi rritjen më të madhe prej 577 për qind, ndërsa Franca shënoi një rritje prej 38 për qind, që është ndryshimi më i vogël, megjithëse ende relativisht i lartë.
Një rritje në përdorimin e antidepresantëve u regjistrua me 302 për qind në Portugali, 256 për qind në Mbretërinë e Bashkuar, 208 për qind në Spanjë dhe 200 për qind në Gjermani gjatë së njëjtës periudhë. /euronews/
